مربى من الطراز النادر

اولا سلامو عليكو

واحب اعرفكو بنفسى انا محمود طارق شاهين اعدادى هندسة بترول كنت فالمدرسة دى وفرحان اوى بالمنتدى الجميل دا بس هو محتاج فاعلية اكتر بصراحة

وهاتعرفو قيمة المنتديات والكلام دا لما تكبروا مثلا احنا عندنا منتدى للكلية بينزل علية الاخبار والجداول والمراجع والبرامج الى بنحتاجها وكدا

المهم انا حبيت اول موضوع ليا هو تحية لواحد بجد انا مش عارف اعبرلة ازاى انا بحترمة وبقدرة وازاى هو اثر فحياتى وحولها كتير

الاستاذ محمد موسى يا جماعة كل الى اتعامل معاة سواء طلبة او مدرسين لازم يدين للراجل دا بالاحترام وكل التقدير لانو بيعامل كل طالب على قدراتة وكل الطلبة بتحس فنفس الوقت ان لها مكان فقلبو حتى الى كان مستواهم ضعيف رغم الضرب الى كان بيضربهلمهم(هههههههه كنت بتفترى اوى بصراحة يا استاذ) الا انو بعد مثلا ما نعدى المرحلة دى لو جت سيرة الاستاذ لازم لازم يذكرة بالخير ومينفعش الا انو يذكرة بالخير

طبعا الاستاذ مسعد اكيد نفس الموضوع بس للاسف حكاية التخصص الجزئى فالاعدادى دى خلت تعاملى مع الاستاذ مسعد محدود شوية على عكس الابتدائى الى كنا بناخد كل المواد على بعض (عك وليس كلو كويس)
كل الاساتذة فالجراوانى فوق الممتازين وضميرهم بجد مش هتلاقى كدا ابدا استاذ اسامة خطاب واستاذمسعدموسى واستاذ طارق البهجى عباقرةرياضيات بجد حتى فمناهج الثانوى
ابلة نزيهه وابلة ايمان غانم والله يرحمها ابله امل كانو اساتذة علوم

استاذ سيد دويدار طبعا غنى عن التعريف فالانجليزى

مكنتش بحب العربى اوى بصراحة بس ابة اسماء عيسى كانت ممتازة وكنت بحبها اوى

استاذ حاتم سويلم مكنش يطلع مسابقة الا اما ياخدنى فايدة
حاول تحب المدرسة والفترة دى لانك مش هتلاقى احسن منها لحد ما تدخل الكلية

وتحية للمنتدى دا وللمدرسة ويا رب اقدر انفعكو ان شاء الله فقسم الرياضة وممكن حتى فالسوفت بتاع المنتدى عشان فى حاجات المفروض تتعدل شوية وان شاء الله كل الناس تستفاد

عندك حق والله يامحمود
المدرسة فيها ناس كتير كويسن وكمان اتطورت اوووي هن ايامكم
داحنا ياعم عندنا في كل دور لاب توب
ههههه طبعا ماشوفتوش انتو الحاجات دي
بس اوحش حاجه حصلت السنة دي فعلا واللي لسه مزعلانه كلنا لحد دلوقتي
هي وفاة الاستاذ لطفي
ادعولوا بأه كلكم ربنا يرحمه